0

بھارت کو جدید دفاعی ٹیکنالوجی کی فراہمی پاکستان نے بھی اپنا بھرپور مئوقف دے دیا

اسلام آباد (ویب ڈیسک) امریکا اور انڈیا کے درمیان ہونے والی دفاعی ڈیل پر پاکستان نے سخت موقف اختیار کرتے ہوئے کہا ہے کہ بھارت کو جدید فوجی ہارڈویئر، ٹیکنالوجی اور معلومات دینے سے خطے کے خطرات بڑھ جائیں گے۔
ترجمان دفتر خارجہ زاہد حفیظ چودھری کی جانب سے جاری بیان میں کہا گیا ہے کہ بھارت کیساتھ جدید ٹیکنالوجی کے شعبہ میں تعاون پر کئی عالمی ماہر تشویش کا اظہار کر چکے ہیں۔ بھارت کے ساتھ ایسے معاہدے بین الاقوامی اصولوں کے منافی ہیں۔ ایسے معاہدوں سے جنوبی ایشیا میں دفاعی توازن بھی بگڑ رہا ہے۔

ترجمان کا کہنا تھا کہ حالیہ میزائل تجربات اور نیوکلیئر فوجی ہتھیاروں میں اضافہ بھارت کے خطرناک ارادوں کی عکاسی کرتے ہیں۔ سیٹلائیٹ معلومات اور تعاون سے متعلق معاہدہ پر ردعمل دیتے ہوئے انہوں نے کہا کہ پاکستان دونوں ممالک کے درمیان معاہدے کا جائزہ لے رہا ہے۔ بھارت کو جدید فوجی ٹیکنالوجی دینے سے خطرات بڑھ جائیں گے

اس خبر پر اپنی رائے کا اظہار کریں

اپنا تبصرہ بھیجیں