0

خوفناک ٹرین حادثہ، متعدد مسافرہلاک ہر طرف چیخ و پکار انتہائی افسوس ناک خبرآگئی

نئی دہلی(مانیٹرنگ ڈیسک)ہندوستانی ریاست مغربی بنگال میں خوفناک ٹرین حادثہ پیش آیا ہے جس کے نتیجے میں پانچ افراد ہلاک اور چالیس سے زائد مسافر زخمی ہو گئے ہیں جبکہ ہلاکتوں میں اضافے کاخدشہ ظاہر کیا جا رہا ہے۔بھارتی ٹی وی
کے مطابق مغربی بنگال کے جلپائی گوڑی علاقے کے میناگوڑی میں بیکانیر ایکسپریس پٹری سے اتر گئی جس کے نتیجے میں مسافروں سے بھری چار بوگیاں الٹ گئیں۔حادثے کی اطلاع ملنے کے کافی دیر بعد امدادی ادارے جائے حادثہ پر پہنچے اور بوگیاں کاٹ کر مسافروں کو نکالا گیا ،40سے زائد زخمیوں کو قریبی ہسپتال منتقل کردیا گیا ہے ۔بھارتی وزیراعظم نریندرا مودی نے ٹرین حادثے پر افسوس کا اظہار کرتے ہوئے مغربی بنگال کی وزیراعلیٰ ممتا بینر جی سے رابطہ کرتے ہوئے حادثے کی تفصیلات معلوم کی ہیں جبکہ وزیر ریلوےاشونی ویشنو کو ہدایات جاری کی ہیں۔حادثےکا شکار ہونے والی تیز رفتار ٹرین راجستھان کے بیکانیر سے آسام کے گوہاٹی جا رہی تھی۔

اس خبر پر اپنی رائے کا اظہار کریں

اپنا تبصرہ بھیجیں